Оңтүстік Қазақстан Облыстық телекоммуникациялар дирекциясы
көлік және байланыс қызметкерлерінің кәсіптік мерекесін салтанатты түрде атап өтті

  2007 жылғы тамыздың 3 –і күні Оңтүстік Қазақстан Облыстық телекоммуникациялар дирекциясы көлік және байланыс қызметкерлерінің кәсіптік мерекесі күніне арнап салтанатты жиналыс өткізді. Салтанатты жиналысқа ақпараттандыру және байланыс агентігінің бастығы М.М. Жүнісбеков, Республикалық „Байланыс қызметкерлерінің кәсіподағы” Қоғам Бірлестігінің Оңтүстік Қазақстан облыстық филиалының төрайымы А.А. Аюпова және құрылымдық бөлімшелердің қызметкерлері қатысты. Байланысшылардың күнделікті жасап жатқан жұмыстарының арқасында, өте алыста орналасқан елдімекендерде тұратын тұрғындардың өзі барлық елмен байланысуына, ақпараттармен алмасуына, еліміздің күнделікті өміріне белсенді түрде қатысуына мүмкіндіктері бар. Атқарылып жатқан ауқымды жұмыстарға ОҚ ОТД- ның да қосқан үлесі зор – сондықтан да бүгінгі күні көлік және байланыс күніне орай еңбегі сіңген және ерекшеленген қызметкерлер еңбегіне лайық марапатталды. Қазақстан Республикасының ақпараттандыру және байланыс агентігінің 2007 жылғы шілденің 30-ы күнгі №197-ші бұйрыққа сәйкес, байланыс қызметінің дамуына өз үлесін қосқаны үшін „Құрметті байланысшы” атағы Техникалық директордың орынбасары Ілесбек Сембекұлы Бөкеевке берілді. Қазақстан Республикасының „Қазақтелеком” АҚ байланыс саласындағы көп жылдық, адал және жемісті еңбектері үшін „Қазақтелеком” АҚ-ның құрмет грамотасымен Қазығұрт АТТ-ның директоры С.Х. Досбергенов, Сату отралығының бастығы К.Д.Сандыбаева және көлік цехының бастығы Н.Е. Узлов марапатталды, сонымен қатар ОҚ ОТД-ның құрмет грамотасымен құрылымдық бөлімшелердің 26 қызметкерлері марапатталды.
Марапаттаулар тапсырылғаннан кейін, ОҚ ОТД-ы қызметкерлерінің ұйымдастыруымен концерттік бағдарлама көрсетілді. ОҚ ОТД-ның Бас директоры оларға белсенділік танытқаны үшін және шығармашылық қабілеттері үшін естелік сыйлықтарын табыстады. Салтанатты жиналыс аяқталғаннан соң, кәсіподақ комитеті марапатталған қызметкерлер үшін мерекелік дастархан жайып, ортаға жинады, олар сол жерде бір-бірін қол жеткізген құрметті марапаттауларымен шын жүректен құттықтады.

ОҚ ОТД-ның әкімшілігі.